کوالالمپور( مانیٹرنگ ڈیسک )سابق ملائیشین وزیر اعظم نجیب عبدالرزاق کے 273ملین ڈالر کے اثاثہ جات حکومتی تحویل میں لے لئے گئے ہیں۔پولیس نے 12ہزار سے زائد زیورات، 423 مہنگی گھڑیاں، 234 چشمے اور 567 ہینڈ بیگز اپنی تحویل میں لیے ہیں۔ ملائیشیا کے سابق وزیر اعظم نجیب عبدالرزاق کے اب تک تحویل میں لیے گئے اثاثوں کی مالیت لگ بھگ 273 ملین ڈالر بنتی ہے۔

تجارتی جرائم کے وفاقی تحقیقاتی ادارے کے سربراہ امر سنگھ کا کہنا تھا کہ ملکی تاریخ میں آج تک اس سے زیادہ مالیت کی اشیا تحویل میں نہیں لی گئیں۔پولیس نے 12ہزار سے زائد زیورات، 423 مہنگی گھڑیاں، 234 چشمے اور 567 ہینڈ بیگز اپنی تحویل میں لیے ہیں۔واضح رہے کہ ملائیشیا کے نئے وزیر اعظم مہاتیر محمد نے ذمہ داریاں سنبھالتے ہی عبدالرزاق کیخلاف کرپشن کیس پر دوبارہ کارروائی کا حکم دیدیا تھا۔نجیب عبدالرزاق پر ریاستی رقوم سے ساڑھے چار بلین ڈالر کی ہیرا پھیری کا الزام ہے،جسے وہ مسترد کرتے ہیں۔