اسلام آباد(مانیٹرنگ ڈیسک)اسرائیل کے ساتھ تعلقات مسئلہ فلسطین حل کئے بغیر قائم نہیں ہوسکتے سعودى ولی عہد ووزیر دفاع شہزادہ محمد بن سلمان کا اعلان ،امریکی اخبار ٹائمز کو ایک انٹرویو کے دوران ان کا کہنا تھا کہ سعودی عرب فلسطین کی مدد کرتا رہے گا اور فلسطینیوں کو ان کے جائز حقوق دلوانے کے لئے ہم حلیفوں کے ساتھ کام کرتے رہیں گے۔
شہزادہ محمد بن سلمان نے مزید کہا کہ شاہ سلمان نے متعدد مرتبہ فلسطینی صدر ابو مازن کو یقین دلایا ہے کہ سعودی عرب ان کی مدد کرنے کے لئے ہر وقت تیار رہے۔فلسطینیوں کے مفاد کے لئے جو کچھ ہوسکتا ہے ہم کریں گے۔یاد رہے کہ سعودی عرب نے اسرائیل کی پروازوں کو اپنی ہوائی حدود استعمال کرنے کی اجازت دیدی ہے ۔
