مقبوضہ بیت المقدس(آئی این پی) اسرائیلی پولیس کی ہمراہی میں 381 متعصب یہودیوں نے مقبوضہ مشرقی بیت المقدس میں واقع مسجد اقصی پر دھاوا بول دیا۔غیر ملکی میڈی اکے مطابق بیت المقدس اسلامی محکمہ وقوف کی فراہم کردہ معلومات میں بتایا گیا ہے کہ 381 متعصب یہودی اسرائیلی پولیس کی ہمراہی میں بابِ المعارب سے داخل ہوئے اور مسجد اقصی پر حملہ کیا۔اپنے دینی دن پیساق کے 5 ویں دن کے موقع پر پولیس کی ہمراہی میں حرم
شریف کے صحن میں پھرتے ان متعصب یہودیوں نے بابِ الرحمہ کے قریب ٹالموڈک عبادت بھی کی۔بیان کے مطابق حالیہ حملے کے ساتھ رواں ہفتے میں مسجد اقصی پر دھاوا بولنے والے یہودیوں کی تعداد ایک ہزار 200 تک پہنچ چکی ہے۔یہودی عقیدے کے مطابق مسجد اقصی “عبادت گاہوں کی چوٹی ہے ” اور پیساق تہوار کے دنوں میں متعصب یہودی ایک تواتر سے مسجد اقصی پر دھاوے بولنے کی اپیل کر رہے ہیں۔
