برلن(آئی این پی )یورپی یونین ایران کے خلاف نئی پابندیاں عائد کرنے کی خواہشمند ہے ،ایرانی میزائل پروگرام اور علاقائی سرگرمیوں کا بہانہ بنا کر یورپی یونین نئی پابندیاں عائد کرسکتی ہے ۔غیر ملکی میڈیا کے مطابق برطانیہ، فرانس اور جرمنی ، ایران کے خلاف نئی پابندیاں عائد کرنے کی کوشش کر رہے ہیں۔ تینوں ممالک نے ایران کے میزائلی پروگرام اور ایران کی علاقائی سطح پر سرگرمیوں کا بہانہ بنا کر یورپی یونین کو

ایران کے خلاف نئی پابندیاں عائد کرنے کی تجویز دی ہے۔ البتہ پابندیاں عائد کرنے کے لئے یورپی یونین کے تمام 28 رکن ممالک کے مثبت رائے کی ضرورت ہے۔اس رپورٹ کے مطابق یورپی یونین کے رکن ممالک نے کل ایران کے خلاف نئی پابندیاں عائد کرنے کا جائزہ لیا۔ رپورٹ کے مطابق یورپی یونین کے رکن ممالک کی کوشش ہے کہ 16 اپریل سے قبل ایران کے خلاف نئی پابندیوں کو حتمی شکل دی جائے۔