واشنگٹن(این این آئی)غیرملکی خبررساں ادارے کے مطابق وائٹ ہائوس کے ترجمان نے اتوار کو جاری کیے گئے ایک بیان میں کہاکہ امریکی صدر ڈونلڈ ٹرمپ نے اپنے چینی ہم منصب شی جن پنگ کے ساتھ ٹیلی فون پر بات چیت کی ہے۔ اس گفتگو میں دونوں صدور نے اتفاق کیا کہ شمالی کوریا پر مستقبل میں بھی سفارتی دبا برقرار رکھا جائے
گا۔ وائٹ ہائوس کی ترجمان کے مطابق شمالی کوریا نے جوہری پروگرام سے دستبرداری اور میزائل ٹیسٹ نہ کرنے کے وعدے دیے ہیں۔ انہوں نے مزید کہا کہ شمالی کوریا کی جانب سے مناسب الفاظ کے تبادلے کے ساتھ ساتھ عملی اقدامات انتہائی ضروری ہیں۔ گزشتہ روز امریکی صدر نے اپنے ایک ٹوئیٹ میں شمالی کوریا کے ساتھ کسی ممکنہ سمجھوتے کو ایک مثبت پیش رفت قرار دیا تھا۔
