نئی دلی(آن لائن)بھارتی حکومت نے اعتراف کیا ہے کہ گزشتہ دو برسوں کے دوران مقبوضہ کشمیر میں پیلٹ لگنے سے 17کشمیریوں کی جانیں چلی گئیں۔ بھارتی وزیر مملکت برائے داخلہ ہنس راج گنگا رام نے بھارتی ایوان
بالا راجیہ سبھا کو بتایا کہ 2016اور 2017کے دوران مقبوضہ وادی میں 17مظاہرین پیلٹ چھرے لگنے سے جاں بحق ہو گئے ۔ انہوں نے کہا کہ 2016میں13جبکہ 2017میں 4مظاہرین بھارتی فورسز کی طرف سے چلائے جانے والے پیلٹ لگنے سے جانوں سے ہاتھ دھو بیٹھے۔
