دمشق (آن لائن)شام میں جنگ بندی کے باوجود مشرقی غوطہ پر فضائی حملوں کے نتیجے میں مرنے والوں کی تعداد 674ہوگئی۔ہفتہ کو انسانی امدادی ادارے وائٹ ہیلمٹس کی جانب سے جاری کردہ رپورٹ میں بتایا گیا کہ گزشتہ 2ہفتوں سے مشرقی غوطہ پر شامی و روسی بمباری کے نتیجے میں ہلاکتوں کی تعداد 674ہوگئی ہے،

ہزاروں زخمی اور لاکھوں محصور شہری امداد کے منتظر ہیں۔غیر ملکی میڈیا رپورٹس کے مطابق شامی حکومت کی جانب سے کہا جار ہا ہے کہ جنگ بندی کے بعد سے بمباری میں 103شہری جاں بحق ہوچکے ہیں،جس میں 22بچے اور 43خواتین شامل ہیں۔شامی و روسی فضائیہ کی جانب سے مشرقی غوطہ کے رہائشی علاقوں پر بمباری کا سلسلہ بدسور جاری ہے

موضوعات:غوطہ،جنگ،ہلاکتیں