دبئی (مانیٹرنگ ڈیسک) دنیا کی بلند ترین عمارت برج خلیفہ کے بعد دنیا کا بلند ترین ہوٹل بھی دبئی میں تعمیر ہو گیا۔سیاحوں کی توجہ کا مرکز رہنے والے شہر ’دبئی ‘میں حکومت نے 356 میٹر بلند لگڑری ہوٹل کے افتتاح کا اعلان کیا ہے۔دبئی کی شاہراہ الشیخ زید روڈ پر واقع جی ڈبلیو میریٹ ہوٹل کی اونچائی 355 میٹر ہے اور یہ ابھی تک کا دنیا کا بلند ترین ہوٹل سمجھا جاتا تھا تاہم اب اسی شاہراہ پر’ جیفورا ‘کے نا م سے نیا ہوٹل قائم کر
لیا گیا ہے جس کی لمبائی 356 میٹرہے ٗدبئی محکمہ اطلاعات کے دفتر سے جاری کردہ بیان میں کہا گیا کہ جیفورا ہوٹل کا افتتاح آئندہ اتوار کو کیاجائیگا ٗیہ نہ صرف دبئی کا بلکہ دنیا کا بلند ترین ہوٹل شمار ہو گا۔آنے والی رپورٹس کے مطابق سنہرے رنگ کے اس لگڑری ہوٹل کی 75 منزلیں ہیں ٗدبئی کی بلند ترین عمارات میں برج الخلیفہ کی اونچائی 828 میٹر ہے ۔ اس کے علاوہ سیون اسٹار ہوٹل بھی بلند ترین عمارتوں میں شمار ہوتا ہے۔
