واشنگٹن(این این آئی)امریکی اخبار نے دعویٰ کیا ہے کہ چند روسی اہلکاروں نے امریکی ایجنسیوں سے ایک ڈیل کی جس کے تحت وہ امریکا کے چوری شدہ سائبر ٹولز کے علاوہ صدر ٹرمپ کے خلاف قابل اعتراض مواد انہیں فراہم کریں گے، یہ ڈیل دس لاکھ ڈالر میں طے ہوئی جس میں ابتدائی طور پر روسی اہلکاروں کو ایک لاکھ ڈالر دئیے گئے ۔
ادھر امریکی خفیہ ایجنسی سی آئی اے نے ان خبروں کی تردید کی کہ نامعلوم روسی اہلکاروں نے ایجنسی کو ایک لاکھ ڈالر کا چونا لگایا ۔غیر ملکی خبر ایجنسی کے مطابق امریکی اخبار نے دعویٰ کیاکہ چند روسی اہلکاروں نے امریکی ایجنسیوں سے ایک ڈیل کی جس کے تحت وہ امریکا کے چوری شدہ سائبر ٹولز کے علاوہ صدر ٹرمپ کے خلاف قابل اعتراض مواد انہیں فراہم کریں گے، یہ ڈیل دس لاکھ ڈالر میں طے ہوئی جس میں ابتدائی طور پر روسی اہلکاروں کو ایک لاکھ ڈالر دئیے گئے ۔ادھر ایک وضاحتی بیان میں امریکی سی آئی اے نے کہاکہ امریکی اخبار میں شائع خبر میں کوئی صداقت نہیں کہ کسی روسی اہلکار نے ایجنسی یا کسی اور امریکی خفیہ ادارے کے اہلکاروں کو بے وقوف بناتے ہوئے ان سے ایک لاکھ ڈالر بٹورے ۔
