مقبوضہ بیت المقدس(آن لائن)اسرائیل کی حکومت نے کہا ہے کہ اس کا 1جنگی طیارہ شامی توپوں کے فائر کے دوران اس کی سرحدوں کے اندر مار گر کر تباہ ہو گیا ہے۔غیر ملکی میڈیارپورٹ کے مطابق شامی فورسز نے دعویٰ کیا ہے کہ انکی حدود میں پرواز کرتا اسرائیلی طیارہ تباہ کر دیا گیا ہے،اس بات کی تصدیق اسرائیلی فورسز حکام نے بھی کر دی ہے،طیارے کے دونوں ہواباز طیارے سے نکلنے میں کامیاب ہو گئے اور اب ان کا

ہسپتال میں علاج کیا جا رہا ہے۔ہفتہ کو ترجمان اسرائیلی فورسز کی جانب سے جاری کردہ بیان میں کہا گیا کہ ہمارا ایک جنگی طیارہ جو کہ شامی حدود میں پرواز کر رہا تھا شامی فورسز کی جانب سے فائر کے ذریعے تباہ کر دیا گیا ہے لیکن خوش قسمتی سے طیارے کے اندر دونوں اہلکار اپنی جان بچانے میں کامیاب ہوگئے ہیں اور اب انکا ہسپتال میں علاج جاری ہے۔شمالی اسرائیل کے شہروں میں خطرے کے سائرن بجائے گئے ہیں۔

موضوعات:اسرائیلی جنگی جہاز