واشنگٹن(آن لائن)سینیٹر جان کینیڈی نے کہا ہے کہ ڈونلڈ ٹرمپ کا پینٹاگون دورے پر ملٹری پریڈ کرانے کے فیصلے سے دنیا میں اچھا تاثر نہیں جائے گا ، امریکا دنیا میں طاقتور ملک ہے اس کو اپنی جوہری صلاحیت دکھانے کی ضرورت نہیں۔امریکی میڈیا رپورٹ کے مطابق جمعرات کو امریکی سینیٹر جان کینیڈی نے اپنے ایک بیان میں کہا کہ صدر ڈونلڈٹرمپ کے دورہ پینٹاگون کے موقع پر ملٹری پریڈ کرانا دنیا کے سامنے امریکہ سے متعلق اچھا تاثر
نہیں جائے گا،جب اپنے آپ پر بھروسہ ہے تو خاموش رہنا چاہیے،چیختے وہ ہیں جن کو کوئی خطرہ لاحق ہو۔واضح رہے کہ منگل کے روز ایک امریکی اخبار میں شائع کی گئی ایک خبر کے متن میں کہا گیا تھا کہ ’صدر ڈونلڈ ٹرمپ نے سینئر آفیسر ز کو پیغام دیا ہیکہ پینٹاگون دورے پر پریڈ کا اہتمام کیا جائے اور وہ چاہتے ہیں کہ پریڈ ایسی ہونی چاہیے جیسے فرانس کے دورے پر ان کا استقبال کیا گیا تھا، اس کی وائٹ ہاؤس نے بھی تصدیق کردی ہے۔
