ایتھنز(این این آئی)یونان میں تعینات پاکستانی سفیر خالد محمود قیصر نے ایسی خبروں کو مسترد کر دیا ہے کہ بین الاقوامی ادارہ برائے مہاجرت(آئی اوایم) یونان سے رضا کارانہ طور پر واپس وطن جانے والے پاکستانی مہاجرین کو خدمات فراہم کرنے سے گریزاں ہے۔

میڈیارپورٹس کے مطابق یونان میں پاکستانی سفیر خالد محمود قیصر سے رابطہ کیا تو انہوں نے ان خبروں کو مسترد کر دیا۔ انہوں نے کہا کہ آئی او ایم صرف نابالغ افراد اور بچوں کو ڈی پورٹ کرنے میں مدد فراہم نہیں کرتا کیونکہ یہ اس ادارے کے ضوابط کے خلاف ہے۔