واشنگٹن(این این آئی)امریکی وزیر دفاع جیمز میٹس نے ترکی سے مطالبہ کیا ہے کہ وہ شام میں اپنی عسکری سرگرمیوں میں احتیاط سے کام لے۔غیرملکی خبررساں ادارے سے بات چیت کرتے ہوئے امریکی وزیردفاع جیمز میٹس نے کہا کہ شام میں کرد ملیشیا گروپوں کے خلاف ترک فوج کی زمینی کارروائیوں سے دہشت گرد تنظیم ’اسلامک اسٹیٹ‘
یا داعش کے خلاف آپریشن سے توجہ ہٹتی جا رہی ہے۔ انقرہ حکومت نے ابھی حال ہی میں شامی شہر عفرین میں شامی کرد ملیشیا گروہ وائی پی جی کے خلاف ایک وسیع تر زمینی آپریشن شروع کیا تھا۔ ترک صدر ایردوآن نے ساتھ ہی یہ بھی کہا تھا کہ ترک دستے عفرین کے بعد بہت جلد منبِج میں بھی کرد ملیشیا گروپوں کے خلاف ایسا ہی ایک آپریشن شروع کر دیں گے۔
