ریاض(سی پی پی )سعودی (ایف ڈی اے) نے گردے کے امراض میں مفید ترکی ساختہ پانی کے پرچار پر اسنیپ چیٹ کی ایک مشہور شخصیت کے احتساب کاا نتباہ دیدیا۔ مشہور شخصیت نے ترکی کے پانی کا تعارف کراتے ہوئے دعوی کیا کہ جو شخص بھی یہ پانی پئے گا وہ گردے کے امراض سے شفایاب ہوجائیگا۔ اسنیپ چیٹ پر مشہور شخصیت کے اس بیان نے معاشرے میں بہت سارے

سوالات کھڑے کردیئے ہیں۔سعودی میڈیا کے مطابق آخر اس قسم کی سرگرمی کی بابت اسکے قاعدے ضابطے کیا ہیں؟ ،بعض لوگوں نے اس پر غم و غصے کا اظہار یہ کہہ کر کیا کہ گردے کے مریض کثیر تعداد میں ہیں۔ ایسے عالم میں غلط بیانی سے کام لیکر لوگوں کے دلوں میں علاج کی امید کی آس جگادینا انتہائی خطرناک امر ہے۔ مشہور شخصیت کو ایسا نہیں کرنا چاہئے۔