نیویارک(این این آئی)اقوام متحدہ نے کہاہے کہ یمن میں جاری تنازع کے نتیجے میں اب تک 5ہزار سے زائد بچے مارے جاچکے ہیں جبکہ 4لاکھ کے قریب خوراک کی شدید کمی کا شکار ہیں ۔غیرملکی خبررسان ادارے کے مطابق گزشتہ روز جاری کیے گئے ایک بیان میں اقوام متحدہ کے ذیلی ادارے یونیسف نے کہاکہ یمن میں جاری

تنازع کے نتیجے میں اب تک ہزاروں بچے مارے جاچکے ہیں جبکہ لاکھوں بچے خوراک کی شدید کمی کا شکار ہیں ۔ایک رپورٹ میں ادارے کا کہنا تھا کہ تنازع کے نتیجے میں جنگ زدہ مک میں بیس لاکھ کے قریب بچے اسکول نہیں جا پارہے جبکہ کئی برسوں سے جاری تشدد اور جنگ کے نتیجے میں بچے نہ صرف خوف مبتلا ہیں بلکہ وہ مختلف بیماریوں ، غربت اور خوراک کی کمی کا شکار ہیں ۔

موضوعات:اقوام متحدہ