اسلام آباد (مانیٹرنگ ڈیسک) نئے سال کی آمد پر جہاں پاکستان میں پٹرولیم مصنوعات کی قیمتوں میں اضافہ کیا گیا وہاں سعودی عرب میں بھی پٹرول کی قیمت میں 80 فیصد اضافہ کر دیا گیا ہے، پٹرول 91 کی قیمت 1.73 ریال رکھی گئی ہے اور پٹرول 95 کی قیمت فی لیٹر 2.04 ریال مقرر کی گئی ہے۔ سعودی عرب کی وزارت قدرتی

ذخائر کا اس بارے میں کہنا ہے کہ پٹرولیم مصنوعات کی قیمتوں میں اضافے میں ویلیو ایڈڈ ٹیکس شامل کیا گیا ہے۔ پاکستان نے جیسے اپنی عوام پر پٹرول بم گرایا ہے سعودی حکومت نے بھی اپنی عوام کے ساتھ کوئی کسر نہیں چھوڑی، واضح رہے کہ سعودی عرب کی طرف سے پٹرولیم مصنوعات کی قیمتوں میں اضافہ اچانک کیا گیا ہے۔