عمان (آئی این پی )اردن کے شاہی محل نے شہزادوں کو اہم مناصب سے ہٹائے جانے سے متعلق چہ مگوئیوں پر برہمی کا اظہار کرتے ہوئے کہا ہے کہ شاہی خاندان سے متعلق جھوٹی خبریں پھیلانے والوں کے خلاف قانونی کارروائی کی جائے گی۔ غیر ملکی میڈیا کے مطابق اردن کے شاہی محل سے جاری بیان میں کہا گیا ہے کہ شاہی خاندان سے متعلق جھوٹی خبریں پھیلانے والوں کے خلاف قانونی کارروائی کی جائے گی۔اس سے قبل اردن کے شاہ

عبداللہ نے اپنے متعدد بھائیوں کو اہم فوجی عہدوں سے ہٹا دیا تھا۔ گزشتہ منگل کے روز شاہ عبداللہ کی جانب سے کہا گیا تھا کہ ان کے بھائی شہزادہ علی اور شہزادہ فیصل اعلی فوجی عہدوں سے ریٹائر ہو رہے ہیں۔ ان کا کہنا تھا کہ یہ اقدام فوج کی تنظیم نو کا حصہ ہے۔ شاہی بیان میں کہا گیا ہے کہ سوشل میڈیا اور انٹرنیٹ پر افواہیں پھیلا کر شاہی خاندان اور اردنی عوام کے درمیان دوریاں پیدا کرنے کی کوشش کی جا رہی ہے۔