کولکتہ(آئی این پی) بھارت میں 3طلاق کے خلاف درخواست دائرکرنے والی عشرت جہاں بی جے پی میں شامل ہوگئی ۔بھارتی میڈیا کے مطابق 3طلاق کے خلاف درخواست دائرکرنیوالوں میں عشرت جہاں کا نام بھی شامل ہے۔ 2014 میں عشرت جہاں کو ان کے شوہر نے ٹیلیفون پر طلاق دیدی تھی جسے وہ غیر قانونی اور مسلم خواتین کے
حقوق کی خلاف ورزی شمارکرتے ہوئے سپریم کورٹ پہنچی تھیں۔اطلاع کے مطابق مغربی بنگال کے بی جے پی کے جنرل سیکریٹری ساینت باسو نے بتایا کہ گزشتہ روزعشرت جہاں ہاوڑہ میں قائم بی جے پی کے دفتر پہنچیں جہاں ابتدائی کارروائی کے بعدان کی پارٹی میں شامل کرلیاگیا۔ باسو نے کہا کہ ریاستی سطح پرپارٹی کی جانب سے تقریب منعقد کی جائیگی جس میں عشرت کو اعزاز سے نوازا جائیگا۔
