سرینگر (مانیٹرنگ ڈیسک) مقبوضہ کشمیر میں ضلع پلوامہ کے علاقے لیتہ پورہ میں حملے میں بھارتی سینٹرل ریزرو پولیس کے 4اہلکار ہلاک اور متعدد زخمی ہو گئے۔کشمیرمیڈیاسروس کے مطابق حملہ آوروں کے ایک گروپ نے اتوار کو صبح سویرے سینٹرل ریزرو پولیس فورس کی 185ویں بٹالین کے کیمپ میں داخل ہو کر ہتھ گولے داغنے کے علاوہ اندھا دھند فائرنگ کی ۔ ابتدائی اطلاعات کے مطابق حملے میں چار پولیس اہلکار ہلاک اور متعدد زخمی ہو گئے۔قابض اہلکاروں کی فائرنگ

سے 3کشمیری نوجوانوں کے شہید ہونے کی بھی اطلاعات ہیں۔ آخری اطلاعات تک حملہ آوروں اور بھارتی پولیس کے درمیان فائرنگ کا تبادلہ جاری تھا دریں اثنا قابض انتظامیہ نے لوگوں کو تازہ ترین صورتحال کے بارے میں ایک دوسرے کو معلومات کی فراہمی سے روکنے کیلئے ضلع پلوامہ میں موبائل فون اور انٹرنیٹ سروسز معطل کر دی ہیں  مقبوضہ کشمیر میں ضلع پلوامہ کے علاقے لیتہ پورہ میں حملے میں بھارتی سینٹرل ریزرو پولیس کے 4اہلکار ہلاک اور متعدد زخمی ہو گئے۔