ریاض (سی پی پی ) غیر ملکیوں سے پاک ریاست مہم کی وجہ سے سعودی محکمہ پاسپورٹ نے اقامہ و محنت قوانین اور سرحدی سلامتی ضوابط کی خلاف ورزی کرنیوالے تارکین وطن کی مدد کرنے والوں کیلئے سزاؤں کا اعلان کردیا ہے۔ سعودی میڈیا رپورٹس کے مطابق جمعہ کو محکمہ پاسپورٹ کی جانب سے جاری کردہ بیان میں کہا گیا کہ جو شخص بھی اقامہ و محنت قوانین اور سرحدی سلامتی کے ضوابط کی خلاف ورزی کرنے والوں کی مدد کریگا

اسے6 ماہ قیداور 25ہزار ریال جرمانے کی سزا دی جائیگی،بیان کے مطابق یہ سزا ان کیلئے ہے جو کسی ایک کو سفر کی سہولت مہیا کریگا یا کسی خلاف ورزی کے مرتکب یا درانداز کو چھپائے گا یا مدد کریگا یا روزگار فراہم کریگا اسکی تشہیر بھی ہوگی اور اگر کوئی غیر ملکی ہوگا تو اسے مملکت سے بیدخل کردیا جائیگا، غیر قانونی تارکین وطن کو سفر کی سہولت دینے یا اپنے یہاں ٹھہرانے یا روزگار دینے والے کو 15ہزار ریال جرمانے کی سزا دی جائیگی۔

موضوعات:سعودی عرب