برلن(این این آئی)جرمن چانسلر انگیلا میرکل نے کہا ہے کہ وہ سوشل ڈیموکریٹک پارٹی کے ساتھ وسیع تر مخلوط حکومت کے قیام سے متعلق ابتدائی بات چیت شروع کرنا چاہتی ہیں۔ وسیع تر مخلوط حکومت کے قیام کے لیے مذاکرات ہی واحد راستہ ہے ،غیرملکی خبررساں ادارے کے مطابق اپنی پارٹی کے رہنماؤں کے ساتھ ایک میٹنگ
کے بعد میرکل نے صحافیوں کو بتایا کہ وسیع تر مخلوط حکومت کے قیام کے مذاکرات ہی واحد راستہ ہے اور اگر ایسا نہیں ہوتا تو ابتدائی بات چیت کو ناکام تصور کیا جائے گا۔ دوسری جانب سوشل ڈیموکریٹک پارٹی کے لیڈر مارٹن شلس واضح کر چکے ہیں کہ ابتدائی بات چیت میں حکومت سازی کے دوسرے پہلو بشمول اقلیتی حکومت کا قیام بھی شامل ہو سکتے ہیں۔
