قاہرہ (سی پی پی)مصر کے قبطی مسیحیوں کے چرچ نے امریکی نائب صدر مائیک پینس کی میزبانی کرنے سے انکار کر دیا ہے،مصر کے خبررساں ادارے کے مطابق قبطی مسیحیوں کے نمائندہ چرچ نے امریکا کی جانب سے مقبوضہ بیت المقدس کو اسرائیلی دارالحکومت تسلیم کرنے کے متنازعہ اعلان پر احتجاج کرنے کے لیے اس طے
شدہ ملاقات سے انکار کیا ہے، چرچ کی جانب سے جاری کردہ بیان میں کہا گیا ہے کہ صدر ٹرمپ نے ایک غلط وقت اور لاکھوں انسانوں کے جذبات کو بالائے طاق رکھتے ہوئے یہ فیصلہ کیا، اس لیے امریکی نائب صدر کی میزبانی سے معذرت کی گئی ہے، مائیک پینس رواں ماہ کے اختتام پر مصر کا دورہ کر رہے ہیں۔
