پیانگ یانگ (سی پی پی)شمالی کوریا کے صدر کم جونگ ان نے کہا ہے کہ امریکا کی جانب سے سمندری محاصرہ اعلان جنگ تصور کیا جائے گا،غیر ملکی نشریاتی ادارے کے مطابق صدر کم جونگ ان نے اتوار کو اپنے بیان میں کہا کہ ملکی سمندری حدود کے محاصرے کی غرض سے امریکا کی جانب سے کیا جانے والے کوئی بھی اقدام عالمی قوانین کی خلاف ورزی اور جارحیت کے مترادف ہو گا جسے پیانگ یانگ ہرگز برداشت نہیں کرے
گا،انہوں نے کہا کہ امریکا نے پیانگ یانگ پر زمینی، فضائی اور سمندری دبائوکا ماحول بنا رکھا ہے اور فوجی مشقوں کے ذریعے خطے کو جنگ کے دہانے پر پہنچا دیا ہے،شمالی کوریا امریکا کے ساتھ ممکنہ جنگ میں پوری قوت کے ساتھ مقابلہ کرے گا۔دوسری جانب امریکا کے بی ون بی ایٹمی بمبار طیاروں نے ایک بار پھر یلو سی کے علاقے میں چین اور شمالی کوریا کی سرحدوں کے قریب بم برسانے کی مشقیں کی ہیں۔
