نئی دہلی (این این آئی)بھارتی سپریم کورٹ نے کہا ہے کہ تاج محل ہم سب کا ہے ٗ اسے 20 یا 25 سال نہیں 400 سال تک تحفظ درکار ہے ٗ آنے والی نسلوں کیلئے اس کی حفاظت کی جائے جبکہ سپریم کورٹ نے تاج محل کی حفاظت سے متعلق تفصیلی اور جامع رپورٹ طلب کرلی ہے۔میڈیا رپورٹس کے مطابق اٹارنی برائے عوامی مفاد ایم سی مہتا کی تاج محل کی حفاظت سے متعلق درخواست کی سماعت سپریم کورٹ میں ہوئی۔اس موقع پر ججوں نے
کہا کہ تا ج محل کو 20 یا 25 سال نہیں 400 سال تک تحفظ درکار ہے، صدیوں تک تاج محل کو قائم رکھنے کیلئے وسیع تر نقطہ نظر اور پالیسی کی ضرورت ہے۔بھارتی سپریم کورٹ نے اتر پردیش کی حکومت کو تاج محل کی حفاظت سیمتعلق جامع پلان مرتب کرنے کیلئے 8 ہفتے کی مہلت دیدی۔تاج محل کی حفاظت کرنے والی اتھارتی نے عدالت میں کہا کہ تاج محل کی حفاظت کے لئے 500 میٹر رقبے تک نوکنسٹرکشن زون قرار دیدیا گیا ہے ۔
