نئی دہلی (سی پی پی) بھارت نے روایتی بے حسی کا مظاہرہ کرتے ہوئے مقبوضہ بیت المقدس کو اسرائیلی دارالحکومت قرار دینے کے امریکی فیصلے پر واضح رد عمل دینے کے بجائے چپ سادھ لی۔ میڈیا رپور ٹس کے مطابق کہ بھارتی حکومت نے بیت المقد س کو اسرائیلی دارالحکومت قرار دینے کے امریکی صدر ڈونلڈ ٹرمپ کے فیصلے پر واضح ردعمل ظاہر کرنے سے انکار کر دیا،
ترجمان بھارتی وزارت خارجہ نے محتاط رویہ اپناتے ہوئے کہا کہ فلسطین پر بھارت کا آزآدانہ موقف برقرار ہے، فلسطین سے متعلق مقف بھارتی مفادات کے مطابق ہے،بھارتی موقف کسی تیسرے ملک کے مفاد کے تحت نہیں، اسرائیل سے تعلقات مضبوط کرنے کے ساتھ بھارت روایتی طور پر فلسطین تحریک کی حمایت کرتا رہا ہے۔
