اسلام آباد (مانیٹرنگ ڈیسک) دوسری شادی کرنے والوں کے لیے خوش خبری، ایک سے زیادہ شادی کرنے کے خواہشمندوں کے لیے ایک منفرد ایپ متعارف، تفصیلات کے مطابق انڈونیشیا جو کہ اسلامی ملک ہے وہاں ایک سے زائد شادی کرنے والے خواہش مندوں کے لیے ایک ایپ متعارف کرائی گئی ہے جس کا نام Ayo Poligami ہے، یہاں یہ بات یاد رہے کہ انڈونیشیا میں قانونی طور پر مردوں کو ایک سے زیادہ شادیاں کرنے کی اجازت ہے، اس ایپ کے ذریعے اپنی پسند کی خواتین کی پروفائل کو چیک کیا جا سکتا ہے اس دوران اگر کوئی خاتون پسند آ جاتی ہے تو
اس سے شادی کی خواہش کا اظہار بھی کیا جا سکتا ہے۔ ایک سے زیادہ شادی کرنے والے خواہش مندوں کے لیے بنائی گئی اس ایپ میں ایسے چیٹ رومز بھی ہیں جن کی مدد سے دوسری شادی کے خواہشمند مشورے بھی لے سکتے ہیں۔ غیر ملکی خبر رساں ادارے کی رپورٹ میں کہا گیا ہے کہ اس ایپ کو اس سال اپریل میں لانچ کیا گیا تھا۔ اس ایپ میں رجسٹرڈ ایک 37 سالہ شخص یوسف فصیح نے میڈیا سے بات چیت کرتے ہوئے کہا کہ بہت سے لوگ دوسری شادی کے خواہش مند ہیں مگر انہیں اس بات کا علم نہیں ہے کہ وہ اپنی خواہش کو کس طرح حقیقت میں بدل سکتے ہیں۔
