پیانگ یانگ (آئی این پی )شمالی کوریا نے جاپان کو کھلے الفاظ میں ایٹمی حملے کی دھمکی دیدی ۔غیر ملکی میڈیا کے مطابقشمالی کوریا نے جاپان کو کھلے الفاظ میں ایٹمی حملے کی دھمکی دی ہے ۔ شمالی کوریا کا یہ اعلان جاپان کے اس بیان کے بعد سامنے آیا ہے جس میں بین الاقوامی برادری پر زور دیا گیا تھا کہ اب شمالی کوریا سے مذکرات میں وقت نہیں ضائع کرنا چاہئے خبر کے
مطابق، پیانگ یانگ حکومت کا یہ بیان جاپانی وزیر اعظم کے اس بیان کا رد عمل ہے جس میں انھوں نے پارلیمان میں تقریر کی تھی کہ شمالی کوریا پر اب مذکرات کی بجائے دباو بڑھانا ہو گا۔ خیال رہے کہ امریکہ اور شمالی کوریاکے درمیان حالیہ کشیدگی کسی بھی لمحے ایٹمی جنگ میں بدل سکتی ہے۔ یہ بھی باور رہے کہ گزشتہ 3 ستمبر کو شمالی کوریا نے میزائل تجربوں کے بعد ہائیڈ روجن بم کا دھماکہ کیا تھا جس سے دنیا میں تشویش کی لہر دوڑ گئی تھی ۔
