اسلام آباد (مانیٹرنگ ڈیسک) دنیا کی سب سے وزنی ترین مصری خاتون انتقال کر گئی۔ تفصیلات کے مطابق دنیا کی سب سے وزنی ترین خاتون ایمان عبدالعطی انتقال کر گئی ہیں ہیں۔ وہ متحدہ عرب امارات کے برجیل ہسپتال میں زیر علاج تھیں جہاں مختلف شعبہ جات سے تعلق رکھنے والے 20ڈاکٹرز ان کا معائنہ کر رہے تھے۔ ایمان کے اہل خانہ نے بُرجیل اسپتال کے میڈیکل چیک اپ اور ایمان کی دیکھ بھال پر ان کا شکریہ بھی ادا کیا۔ یاد رہے کہ دنیا کی وزنی ترین خاتون ایمان اپنی سرجری کے لیے بھارت روانہ
ہوئی تھی۔ جہاں بھارتی ڈاکٹرز نے ایمان کی سرجری تو کی لیکن سرجری کے فوراً بعد ہی ایمان کے کیس میں پیچیدگیاں پیدا ہو گئیں۔ بھارتی ڈاکٹرز نے ایمان کا کیس خراب کیا تو نا اُمیدی کے عالم میں ایمان متحدہ عرب امارات واپس آ گئی جہاں بُرجیل اسپتال میں اس کا علاج جاری تھا۔خیال رہے کہ علاج کے سلسلے میں بھارت میں قیام کے دوران ایمان عبدالعطی نے عالمی شہرت حاصل کی اور ان کی خواہش پر بالی ووڈ سپر سٹار سلمان خان نے بھی ان سے ملاقات کی تھی جس کو میڈیا نے بھرپور کوریج دی تھی۔
