واشنگٹن(این این آئی)امریکا میں آنے والے تباہ کن سمندری طوفان اِرما کے بعد تقریبا? سولہ ملین افراد کو بجلی کی فراہمی کا سلسلہ تاحال منقطع ہے۔ سب سے زیادہ یعنی پندرہ ملین افراد ریاست فلوریڈا میں متاثر ہوئے۔ میڈیارپورٹس کے مطابق اسی طرح ریاست جارجیا میں بھی دس لاکھ افراد ابھی تک بجلی کے بغیر ہیں۔ سمندری طوفان اِرما کی وجہ سے بجلی کے سینکڑوں کھمبے گر گئے تھے۔ حکام کے مطابق ان کی مرمت میں ابھی کئی

دن لگ سکتے ہیں۔ اس طوفان کی وجہ سے ہونے والے بے تحاشا مالی نقصانات کے حتمی اندازے ابھی لگائے جا رہے ہیں۔