اسلام آباد (مانیٹرنگ ڈیسک) ہاروی سمندری طوفان نے امریکہ میں تباہی مچا دی اب ہاروی کے بعد ارما طوفان جو کہ مختلف ممالک میں تباہی مچاتے ہوئے اب امریکی ریاست فلوریڈا کے ساحلوں سے ٹکرا گیا ہے اور اس کی شدت پہلے سے زیادہ تباہ کن ہو چکی ہے اور ارما کیٹیگری 4 کا طوفان بن چکا ہے، ارما طوفان کی تباہی کاریاں بہت زیادہ ہیں،
واضح رہے کہ ڈیلی سٹار کی ایک رپورٹ کے مطابق سازشی نظریہ سازوں کی طرف سے دعویٰ کیا گیا ہے کہ یہ سمندری طوفان قیامت کی ایک نشانی ہے اور اس طوفان کی آمد سے دنیا کے خاتمے کا آغاز ہو چکا ہے۔ سماجی رابطے کی ویب سائٹ فیس بک پر ایک صارف نے لکھا ہے کہ بائبل کہتی ہے کہ سورج، چاند اور ستاروں میں قیامت کی نشانیاں رونما ہوں گی، زمین پر لوگ بپھرتے اور چنگھاڑتے سمندروں سے خوفزدہ ہوں گے، بائبل کے مطابق دنیا کو ایسے حالات درپیش ہوں گے کہ لوگ ان کی دہشت سے بے ہوش ہو جائیں گے۔ فیس بک کے اس صارف نے حالیہ سورج گرہن اور ان ہاروی اور ارما جیسے سمندری طوفانوں کو بائبل کے اس بیان سے ملاتے ہوئے کہا ہے کہ ہاروی کے بعد ارما آ گیا اور دو مزید نئے طوفان آنے والے ہیں۔ اس صارف نے کہا کہ امریکہ کی کئی ریاستوں میں آگ لگی ہوئی ہے، ان طوفانوں سے قبل بڑا سورج گرہن بھی لگا جس سے امریکہ اندھیرے میں ڈوب گیا تھا۔ فیس بک کے اس صارف نے مزید کہا کہ یہ تمام حالات بائبل میں بیان کردہ مذکورہ حالات سے بہت زیادہ مطابقت رکھتے ہیں اور اس سے تو یہ ظاہر ہوتا ہے کہ یہ قیامت کی نشانیاں ہیں اور جلد دنیا ختم ہونے والی ہے۔
دریں اثناء سمندری طوفان نیکیریبیئن جزائر، کیوبا اور امریکی ریاست فلوریڈا کے ساحلی علاقوں میں بھی تباہی مچادی، ارما سے ہلاک افراد کی تعداد چالیس ہوگئی، فلوریڈا کے شمال مشرقی علاقوں میں موجود ارما کمزور ہو کر کیٹگری ایک میں داخل ہو گیا۔غیرملکی خبررساں ادارے کے مطابق طوفانی ہواوں، شدید بارشوں اور اونچی اونچی لہروں کے ساتھ کیٹگری چار کے طوفان نے فلوریڈا کے ساحلی علاقوں کو تہس نہس کر دیا ۔چھتیں اڑ گئیں، درخت جڑوں سے اکھڑ گئے، ساٹھ لاکھ سے زائد صارفین کی بجلی غائب ہوگئی، جبکہ پینسٹھ لاکھ سے زائد لوگوں کو انخلا کا حکم دے کر ریاست فلوریڈا کو آفت زدہ قرار دے دیا گیا۔شمال مشرقی علاقوں میں ریکارڈ بارشوں کے بعد ہر طرف پانی ہی پانی ہے اور بدترین سیلاب کی وارننگ جاری کردی گئی ہے،میامی میں جڑوں سے اکھڑے درخت، طوفانی ہواوں سے گریسائن بورڈز،دریاوں کا منظر پیش کرتی سڑکیں طوفان کی شدت کی کہانی سنا رہی ہیں۔ساحل پر پانچ سے دس فٹ اونچی لہریں بلند ہورہی ہیں اور خراب موسم کے باعث میامی ایئرپورٹ منگل تک لیے بند تھا،آئندہ چوبیس گھنٹوں کے دوران ریاست جارجیا میں بھی طوفانی ہواوں اور تیز بارشوں سے سیلابی صورتحال کا خدشہ ہے۔امریکی ایئر لائن نے اٹلانٹا ایئرپورٹ پر آٹھ سو پروازیں منسوخ کردیں، لوگوں کو محفوظ مقامات پر منتقل ہونے کی ہدایت کر دی گئی ہے۔
