واشنگٹن (آن لائن) امریکی وزیر دفاع جیمزمیٹس نے کہا ہے کہ پاکستان ایک ذمہ دار ملک ہے اورامریکہ اسلام آباد کے ساتھ ملکر دہشتگردوں کو شکست دینے کے خواہاں ہے ۔غیر ملکی خبر رساں ادارے کے مطابق صحافیوں کے ساتھ بات چیت کرتے ہوے وزیر دفاع جیمزمیٹس نے کہا کہ پاکستان کے ساتھ ملکر دہشتگردوں کو
شکست دینے کے خواہاں ہیں کیونکہ ایک ذمہ دار ملک کے ساتھ ایسا ہی ہونا چاہیے ۔ واضع رہے امریکی وزیر دفاع کا یہ بیان محکمہ خارجہ کی جانب سے پاکستان کے لئے ساڑھے پچیس کروڑ ڈالر کی عسکری امداد مختص کئے جانے بارے کانگریس کو آگاہی کے بعد دیا گیا ہے۔
