ریاض (مانیٹرنگ ڈیسک) حجاجِ بیت اللہ کی خدمت میں مصروف سعودی اہل کاروں کی دو تصاویر کو سوشل میڈیا پر صارفین کی جانب سے وسیع پیمانے پر پذیرائی حاصل ہو رہی ہے۔سماجی رابطے کی ویب سائٹوں کے حلقوں نے سعودی سکیورٹی اہل کاروں اور اسکاؤٹ کے ارکان کی جانب سے حجاج کرام کے لیے انسان دوست جذبات کو بھرپور
طریقے سے سراہا ہے۔پہلی تصویر میں حرم کے مطاف میں موجود سعودی سکیورٹی اہل کار ایک ننھے بچے کو اپنے دونوں ہاتھوں میں اٹھایا ہوا ہے اور بچہ بیت اللہ کو بوسہ دے رہا ہے۔دوسری تصویر میں سعودی اسکاؤٹس کا رکن وہیل چیئر پر بیٹھی ہوئی ایک عمر رسیدہ خاتون کا پاؤں ہاتھ میں لے کر اسے چیئر کے پائیدان پر رکھ رہا ہے۔
