ملتان (آئی این پی ) تحریک انصاف کے وائس چیئرمین شاہ محمود قریشی نے کہا ہے کہ پاکستان 30 سال سے افغانیوں کی میزبانی کر رہا ہے،ہم نے ہر فورم پر افغانستان کی حمایت کی، افغان آرمی چیف کا بیان احسان فراموشی ہے۔ملتان میں تحریک انصاف کے ممبر قومی اسمبلی ملک عامر ڈوگر کی پھوپھی کی رسم قل میں شرکت کے موقع پر میڈیا سے گفتگو کرتے ہوئے شاہ محمو د قریشی نے کہا کہ خواجہ آصف کا دورہ امریکا منسوخ کرنا اچھا فیصلہ ہے پہلے بھی وزیر خارجہ کو دورہ امریکا کرنے

سے قبل اسمبلی کو اعتماد میں لینے کا مشورہ دیا تھا۔منگل کو اسمبلی اجلاس میں ٹرمپ کی دھمکیوں کے حوالے سے حکومتی موقف سنیں گے اور مودی اور ٹرمپ کو مشترکہ جواب دیں گے۔ این اے 120 میں ضمنی الیکشن کے حوالے شاہ محمود قریشی نے حکومت کو آڑے ہاتھوں لیا۔ ان کا کہنا تھا کہ لا ہور کی پور ی انتظامی مشینری این اے 120 کا الیکشن جیتنے پر لگا دی گئیں جبکہ الیکشن کمیشن نے تحریک انصاف تمام مرکزی قیادت پر پابندی عائد کردی ہے۔ الیکشن کمیشن اس قبل از وقت دھاندلی کا نوٹس لے۔