کابل (این این آئی)نیٹو نے صدر ٹرمپ کی جانب سے افغانستان اور علاقے کے لئے پیش کردہ نئی پالیسی کی حمایت کا اعلان کیا ہے ۔ نیٹو کے سیکریٹری جنرل جینز سٹولٹن برگ کی جانب سے جاری کردہ اعلامئے کیمطابق نیٹوصدر امریکہ کی حالات کے مطابق اختیار کی گئی نئی اپروچ کی حمایت میں تمام کوششیں بروئے کار لائے گا۔نیٹو کے مطابق اس کے 12000 فوجی پہلے سے افغانستان میں موجود ہیں اورحال ہی میں نیٹو
کے مزید15 ارکان نے افغان اسپیشل فوج ، ائیر فورس اور اس کے کمانڈ اینڈ کنٹرول سسٹم کی بہتری کیلئے امداد کے نئے وعدے کیے ہیں ۔اعلامیے کیمطابق نیٹو نے تمام افغان گروپس سے اپیل کی کہ وہ باہمی سیاسی تصفیے کے لئے مذاکرات کریں ۔اعلامیے میں کہا گیا کہ نیٹو خطے کے تمام ممالک سے بھی درخواست کرتا ہے وہ افغانستان میں قیام امن کیلئے تعاون کریں اور اپنے ملک میں موجود شدت پسند گروپوں کی پناہ گاہوں کو ختم کر دیں
