امریکی محکمہ خارجہ نے بھارت کو جدید جاسوس ڈرون دینے کی منظوری دیدی

واشنگٹن/نئی دہلی (آن لائن)امریکی محکمہ خارجہ نے جدید جاسوس ڈرونز بھارت کو دینے کی منظوری دیدی، نئی دہلی نے 2 ارب ڈالرز کی لاگت سے 22 گارڈین ڈرونز خریدنے کی درخواست کی تھی۔بھارتی خبر رساں ایجنسی نے دعوی کیا ہے کہ امریکا کے محکمہ خارجہ نے 22 ڈرونز فروخت کرنے کی منظوری دینے کے بعد باضابطہ طور پر بھارت کو آگاہ کردیا۔بھارت نے 2 ارب ڈالرز کی لاگت سے ڈرونز خریدنے کی درخواست کی تھی۔ ماضی میں اوباما انتظامیہ نے بھارت کو یہ ڈرونز دینے سے انکار کردیا تھا۔ 2016 سے اب تک بھارت نے امریکا سے متعدد بار ڈرونز دینے کی درخواست کی تھی۔ امریکی کانگریس اور پینٹاگون نے ڈرونز فروخت کرنے کی اجازت دے دی تھی، لیکن امریکی محکمہ خارجہ کو تحفظات تھے۔ محکمہ خارجہ چین، بھارت اور پاکستان کشیدگی کی صورتحال میں نئی دہلی کو ڈرونز فروخت کر کے خطے کا اسٹریٹجک توازن خراب نہیں کرنا چاہتا تھا۔ بھارتی وزیراعظم نریندر مودی اتوار کے روز امریکی دورے کے دوران ڈونلڈ ٹرمپ سے ڈرونز کی فروخت کا معاملہ اٹھانا چاہتے تھے۔ بھارت کی خواہش ہے کہ امریکا اسے میزائل بردار ڈرونز بھی فروخت کرے۔

بھارت سے مزید خبریں

بھارت کا مکروہ چہرہ ایک بار پھر دنیا کے سامنے بے نقاب ہو گیا

نئی دہلی (مانیٹرنگ ڈیسک)بھارت کا مکروہ چہرہ ایک بار پھر دنیا کے سامنے بے نقاب ہو گیا، بھارتی انتہا پسندوں کی مسلمان دشمنی کی بدنما تصویر سامنے آ گئی، ذہنی معذور مسلمان خاتون کو بیچ راستے تشدد کا نشانہ بنا ڈالا، زبردستی جے رام، جے ہنومان کے نعرے لگواتے رہے۔غیر ملکی میڈیا کے مطابقبھارت میں ہندو انتہا پسندوں نے ذہنی معذور مسلمان خاتون کو تشدد کا نشانہ بنا ڈالا۔مسلمان خاتون ہاتھ جوڑتی اور معافیاں مانگتی رہی۔ ہندو انتہا پسندوں نے ایک نہ سنی اور ذہنی معذور خاتون پر ڈنڈوں کی بارش کرتے رہے، اور تو اور ہندو انتہا پسند ذہنی معذور خاتون سے ڈنڈے کے زور پر جے رام، جے ہنومان کے نعرے بھی لگواتے رہے۔ تشدد کی نئی لہر میں زبردستی مذہب کی تبدیلی پر بھی زور دیا جاتا ہے۔

بھارت نے مزید 31چھوٹے مصنوعی سیارے خلا میں روانہ کر دیئے ،کئی یورپی ملکوں کے سیٹلائٹس بھی شامل

نئی دہلی (آئی این پی )بھارت نے مزید 31چھوٹے مصنوعی سیارے خلا میں روانہ کر دیئے جس میں کئی یورپی ملکوں کے سیٹلائٹس بھی شامل ہیں،وزیراعظم نریندر مودی نے اسرو کے نام اپنے تہنیتی پیغام میں کہا ہے کہ یہ پیشرفت بھارت کیلئے باعثِ افتخار ہے۔غیر ملکی میڈیا کے مطابق بھارت کا ایک راکٹ مزید 31 چھوٹے سیٹلائٹ لے کر خلا میں روانہ ہوگیا ہے جس میں کئی یورپی ملکوں کے سیٹلائٹس بھی شامل ہیں۔راکٹ جمعے کی صبح ساڑھے نو بجے بھارتی ریاست آندھراپردیش کے علاقے سری ہاری کوٹا میں واقع بیس سے خلا کے لیے روانہ ہوا۔راکٹ کے ذریعے بھارت نے 712 کلوگرام وزنی کارٹوسیٹ-2 سیٹلائٹ بھی خلا میں بھیجا ہے جس کا مقصد خلا سے زمین کی صاف اور واضح تصاویر حاصل کرنا ہے۔راکٹ بھارت اور کئی یورپی ملکوں کے مزید 30 چھوٹے مصنوعی سیارے بھی خلا میں لے کر گیا ہے جن کا بھارت کی خلائی تحقیقاتی ادارے ‘انڈین اسپیس ریسرچ آرگنائزیشن(آئی ایس آر او) کے ساتھ تعاون کا معاہدہ ہے۔جن یورپی ملکوں نے اپنے سیٹلائٹ بھارتی راکٹ کے ذریعے خلا میں بھیجے ہیں ان میں آسٹریا، بیلجئم، لیٹویا، لتھوانیا اور سلوواکیہ شامل ہیں۔گزشتہ چھ ماہ میں یہ دوسرا بھارتی راکٹ ہے جس کے ذریعے بھارتی خلائی ایجنسی نے اپنے غیر ملکی گاہکوں کے مصنوعی سیارے خلا میں بھیجے ہیں۔اس سے قبل فروری میں ‘آئی ایس آر او’ نے اپنے ایک راکٹ کے ذریعے 104 مصنوعی سیارے خلا میں بھیجے تھے جن میں سے بیشتر دیگر ملکوں کے تھے۔بھارتی وزیراعظم نریندر مودی نے اس موقع پر اسرو کے نام اپنے تہنیتی ٹویٹ پیغام میں لکھا کہ یہ پیشرفت بھارت کے لیے باعثِ افتخار ہے۔ بھارتی وزیرِاعظم نریندر مودی کی حکومت بھارت کے خلائی پروگرام کو وسعت دینے کے علاوہ بھارت کی تیار کردہ خلائی ٹیکنالوجی کو بین الاقوامی خریداروں کے لیے ایک سستے آپشن کے طور پر پیش کر رہی ہے جس میں اسے خاطر خواہ کامیابی حاصل ہوئی ہے۔رواں ماہ بھارت نے تین ٹن وزنی اپنا ایک مصنوعی سیارہ بھی زمین کے مدار میں بھیجا تھا جو اب تک خلا میں جانے والا بھارت کا سب سے وزنی سیٹلائٹ تھا۔اس سیٹلائٹ کے کامیابی سے زمین کے مدار میں پہنچنے کو بھارت کی خلائی میدان میں ایک اہم کامیابی قرار دیا گیا ہے اور کہا جارہا ہے کہ خلائی میدان میں اس کی صلاحیتیں اور ٹیکنالوجی امریکہ، روس، چین، جاپان اور یورپی یونین کے برابر آگئی ہیں۔

موضوعات:جاسوس ڈرون

امریکی محکمہ خارجہ نے بھارت کو جدید جاسوس ڈرون دینے کی منظوری دیدی

کالم

کرسمس