کیلیفورنیا(این این آئی)پاکستانی نژاد امریکی ڈاکٹر آصف محمود نے ریاست کیلی فورنیا کے نائب گورنر کا انتخاب لڑنے کا اعلان کردیا ہے ٗپاکستانی کمیونٹی میں خوشی کی لہردوڑ گئی۔میڈیا رپورٹ کے مطابق گزشتہ روز پاکستانیوں کی نمائندہ تنظیم اے پیک نے ان کے اعزاز میں فنڈ ریزنگ کا اہتمام کیا ٗتنظیم کے نمائندوں ڈاکٹر اعجاز احمد اور آصف چوہدری نے ڈاکٹر آصف کی الیکشن میں کامیابی کی دعا کی
ٗاپنے مکمل تعاون کا یقین دلایا۔ڈاکٹر آصف محمود نے اپنے خطاب میں خود کو نائب گورنر کیلئے سب سے موزوں امیدوار قرار دیا۔انہوںنے کہاکہ وہ یہ انتخاب ٹرمپ کے خلاف لڑ رہے ہیں ٗٹرمپ انتظامیہ کی جانب سے اقلیتوں کے ساتھ ہونے والے حالیہ سلوک کے خلاف ان کا انتخاب ایک تبدیلی لائیگا۔
