کراچی(مانیٹرنگ ڈیسک)سعودی عرب میں نماز تراویح کیلئے لاؤڈاسپیکر جامع مساجد تک محدود کردیا گیا ہے۔وزار ت اسلامی امور نے مساجد میں مطبوعات کی تقسیم پر بھی پابندی عائد کردی ہے جبکہ لٹریچراور پمفلٹس تقسیم کرنے والوں پر نظر رکھنے کی ہدایت بھی جاری کردی گئی ہے ۔ میڈیا رپورٹس کے مطابق سعودی عرب میں اس سال سعودی وزارت اسلامی امور نے پابندی عائد کی ہے
کہ جامع مساجد کے سوا کسی بھی مسجد کو رمضان المبارک میں نماز تراویح میں لاؤڈ اسپیکرز استعمال کرنے کی اجازت نہیں ہوگی ۔ نائب وزیر برائے امور مساجد ڈاکٹر توفیق السدیری نے مملکت کے تمام علاقوں میں وزارت کے اعلیٰ عہدیداروں کو تحریری ہدایت دیتے ہوئے کہا کہ وہ تراویح کی نماز میں لاؤڈاسپیکر کا استعمال بڑی جامع مساجد تک محدود کرائیں ۔
