نیویارک(آئی این پی) معروف امریکی اخبار کی ایک رپورٹ میں دعویٰ کیا گیا ہے کہ پاکستان کے ساتھ جنگ کی صورت میں بھارت پیشگی ایٹمی حملہ کر سکتا ہے۔’’ نیویارک ٹائمز‘‘ میں شائع ہونے والے کالم میں میکس فشر نے لکھا ہے کہ واقعاتی شہادت کے مطابق ہو سکتا ہے بھارت ایٹمی ہتھیاروں کے ڈاکٹرائن کی ازسرنو

تشریح کرے۔ پاکستان بھی ایٹمی طاقت ہے اس لئے بھارت ایٹمی حملے میں پہل کرنا بہتر سمجھے گا۔ بھارت میں بڑے پیمانے پر دہشت گردوں کے حملوں سے بھی دہلی یہ سوچ سکتا ہے کہ پاکستان جنگ کو ہوا دے رہا ہے۔ مسئلہ کشمیر پر دونوں ممالک کے درمیان بڑھتا ہوا درجہ حرارت مصیبت میں اضافہ کر سکتا ہے۔