واشنگٹن (این این آئی)امریکی سینیٹ میں ریپبلکن اور ڈیموکریٹک جماعتوں کی جانب سے امریکی فوج کی مدد کرنے پر خصوصی ویزے جاری کرنے کے لئے امریکی سینٹ میں بل پیش کردیا۔خصوصی ویزوں کا پروگرام کانگرس نے 2008ء میں افغان فوجی مترجمین کے لیے شروع کیا تھا جس میں بعد ازاں ان افغان شہریوں کو بھی شامل کر لیا گیا تھا جنہوں نے امریکی حکومت کیلئے کم از کم ایک سال کے لیے اہم خدمات سر انجام دیں۔

اس پروگرام کے تحت کانگرس نے 2015ء اور 2016ء کیلئے سات ہزار ویزوں کی منظوری دی تھی۔مذکورہ بل میں ان افغان باشندوں کو خصوصی ویزے جاری کرنے کا مطالبہ کیا جنہوں نے اپنی جانوں کو خطرے میں ڈال کر امریکی فوج کی مدد کی تھی۔امریکہ کی سینیٹ میں پیش کئے جانے والے بل میں کہا گیا کہ امریکہ ان افراد کو کسی بھی حالت میں تنہا نہیں چھوڑ سکتا جنہوں نے اپنی جانوں پر کھیل کر امریکی مفادات کا تحفظ کیا ٗ

موضوعات:ویزے