اوٹاوا(آئی این پی )عالمی یوم خواتین پر کینیڈاکے وزیراعظم جسٹن ٹروڈو کی بیگم نے مردوں کے حقوق کیلئے آواز اٹھاتے ہوئے کہا ہے کہ خواتین کی طرح مردوں کا دن بھی منانا چاہیے ۔غیر ملکی میڈیا کے مطابق کینیڈا کی خاتون اول ‘صوفی گریگوری ٹروڈو نے سوشل میڈیا سائٹ انسٹاگرام پر لکھا ہے کہ جو مرد، خواتین کا احترام کرتے ہیں اوران کی حوصلہ افزائی کرتے ہیں ان کا بھی عالمی دن منانا چاہیے ۔سوشل میڈیا سائٹ پر

اپنے شوہر کے ساتھ تصویر پوسٹ کرتے ہوئے انہوں نے تمام خواتین کو مشورہ دیا کہ وہ بھی اپنے ساتھی کے ساتھ تصاویرشائع کرکے یکساں حقوق کی تحریک کو فروغ دیں ۔صوفی کی اس پوسٹ پرخواتین کے ایک حلقے نے تنقید بھی کی جسے کینیڈین خاتون اول نیمکالمے کا آغاز کہتے ہوئے سراہا ہے ۔جبکہ کینیڈین وزیراعظم کی اہلیہ کاکہناہے کہ حقوق کی جب بات ہوگی  تووہ ہرفورم پرہرکسی کے حقوق کامعاملہ اٹھائیںگی ۔

موضوعات:خواتین کینیڈین وزیراعظم