اسلام آباد(مانیٹرنگ ڈیسک) ویسے تو مختلف افراد اپنے پیشے یا اس سے حاصل ہونیوالی آمدنی سے مطمئن نظر نہیں آتے اور شکایات کرتے رہتے ہیں مگر دنیا میں ایسی 6نوکریاں ہیں جو ناپسند ہونے کے باوجود کی جاتی ہیں۔ مغربی ممالک میں بہت سے لوگ کتوں اور بلیوں کو دیئے جانے والا کھانا تیار ہونے کے بعد چکھ کر اس کے خراب یا صحیح ہونے کی تصدیق کرنے پر مقرر ہوتے ہیں
جو کہ انتہائی تکلیف دہ کام ہے، ایشیائی ممالک میں گٹروں کی صفائی پر مامور افراد اس نوکری کو انتہائی ناپسند ہونے کے باوجود صرف بیروزگاری اور ہنر مند نہ ہونے کی وجہ سے اختیار کرتے ہیں۔ اسی طرح ڈیبرنٹ برانڈ کی کارکردگی چیک کرنے کیلئے لوگوں کی بغلیںسونگھنے کا کام کرنے والوں کی حالت دیکھ کر رحم آنے لگتا ہے۔مرد حضرات تو کسی نہ کسی طرح زندگی کا پہیہ چلانے کیلئے مختلف ناپسندیدہ پیشے اختیار کر لیتے ہیں لیکن فلپائن میں ٹوائلٹ سیٹ کی مشہوری کیلئے خواتین کو اپنی پیٹھ پر ٹوائلٹ سیٹ باندھ کر شہر میں گھومنا پڑتا ہے جس کے عوض انہیں معمولی معاوضہ دیا جاتا ہے مگر حالات اور بیروزگاری کے ہاتھوں تنگ خواتین یہ کام کرنے پر مجبور ہو جاتی ہیں۔ بھارت میں ہنومان سینا یعنی بندروں کے حملوں سے گھروں، دکانوں اور اشیا کو بچانے کیلئے لوگوں کو بندر کا بہروپ دھار کر چوکیداری کرنی پڑتی ہے۔ رولر کوسٹر خراب ہونے کی صورت میں خرابی ٹھیک کرنے والے کو اس پر بیٹھ کر چلانا پڑتا ہے جو کہ انتہائی خوفناک تجربہ ہےاور ایسا کام کوئی بہت بہادر یا زندگی سے تنگ شخص ہی کر سکتا ہے۔
