نیویارک(آئی این پی)امریکہ میں منشیات اسمگلنگ میں ملوث بھارتی شخصیت کو گرفتار کرلیاگیا ۔غیرملکی میڈیا کے مطابق امریکہ میں ایک 55سالہ بھارتی شخصیت کو منشیات اسمگلنگ کے الزام میں گرفتار کرلیا گیا ہے جس پرافغانستان اور پاکستان سمیت دیگر ممالک سے امریکہ میں بڑی مقدار میں ہیروئن سمگل
کرنے کا الزام ہے ۔نیویارک کے جنوبی ضلع کے امریکی اٹارنی پریت بہارارا نے بتایا کہ وجے گری آنند گری گوسوامی کومنشیات اسمگلنگ کے الزام میں کینیا سے امریکہ لایا گیا تھا۔چاروں ملزمان کو امریکی درخواست پر نومبر 2014میں کینیا میں گرفتار کیا گیا تھا۔ان افراد پر چار ممالک سے ہیروئن امریکہ اسمگل کرنے کا الزام ہے ۔
