نئی دہلی (آئی این پی) بھارتی بارڈر سیکورٹی فورس(بی ایس ایف ) کا ایک کلرک بھی فوج میں کرپشن اور بھارتی وزیر اعظم نریندر مودی کی حکومت کے خلاف اٹھ کھڑا ہوا۔بھارتی میڈیا کے مطابق راجستھان میں بی ایس ایف کے کلرک نورتن چودھری نے فیس بک پر ایک ویڈیو پوسٹ کی ہے جس میں کہا گیا ہے کہ بھارتی آئین سب کو برابر کے حقوق دیتا ہے لیکن بی ایس ایف کے اہل کار حقوق
سے محروم ہیں۔اس نے بتایا کہ حد تو یہ ہے کہ اہل کار مناسب کھانے کی فراہمی کا بھی نہیں کہہ سکتے ، اگر کوئی غلطی سے شکایت کر بھی دے تو اس کے ساتھ ایسا سلوک کیا جاتا ہے جیسے اس نے کوئی بڑا جرم کردیا ہو ۔مذکورہ اہلکار نے کہا کہ وجودہ حکومت میں فوجی اہلکاروں کے حالات بد تر سے بد ترین ہو گئے ہیں۔
