اوٹاوا(آئی این پی )کینیڈین وزیر اعظم جسٹن ٹروڈو نے تارکین وطن افراد کو پناہ دینے کا اعلان کردیا۔غیر ملکی میڈیا کے مطابق کینیڈین وزیراعظم جسٹن ٹروڈو کا کہنا ہے کہ جنگ زدہ، متنازع علاقوں سے آنے والے افراد کو خوش آمدید کہیں گے۔کینیڈین وزیر اعظم کا یہ اعلان ایک ایسے وقت میں سامنے آیا ہے جب امریکی صدر ڈونلڈ ٹرمپ نے جنگ زدہ، متنازع علاقوں سے آنے والے افراد کیلئے امریکا میں داخلے پر پابندی لگا دی ہے۔
چینی خبررساں ادارے کے مطابق کینیڈین وزیر اعظم جسٹسن ٹریڈیو نے اپنے ایک ٹوئٹر پیغام میں کہا ہے کہ ہم امریکی صدر ایگزیکٹو آرڈر کی زد میں آنے والے ان سات ممالک کے پناہ گزینوں کا اپنے ملک میں خیر مقدم کریں گے یہ افراد اپنے ملک میں ظلم و ستم ،دہشت گردی اور جنگ سے بھاگ کر آئے ہیں ہمارے دروازے ان کے لئے کھلے ہیں ،ہم بلا تفریق ان کی خدمت کریں گے ،ان کا کہنا تھا کہ ہم شامی پناہ گزینوں کو بھی پناہ دیں گے ،کینیڈا نے امریکہ کی جانب سے دوہری شہرت کے حامی شہریوں پر پابندی کے حوالے سے کہا کہ ہم امریکی محکمہ خارجہ کے اس اقدام کے حوالے سے فوری طور پر کوئی رد عمل نہیں دے سکتے انہوں نے کہا کہ امریکی صدر کا یہ اقدام بلا جواز ہے اور کسی بھی شخص کو نسل کی بنیاد پر نشانہ بنانا غیر انسانی فعل تصور کیا جاتا ہے ۔

موضوعات:ڈونلڈ ٹرمپ کینیڈین وزیر اعظم