’’فضائی حادثوں کا نیا موڑ ‘‘ ٹیک آف کرنے سے پہلے جہاز سے ایسی خوفناک چیز بر آمد کہ کہ مسافروں میں خوف و ہراس پھیل گیا۔۔ پرواز منسوخ

9 جنوری‬‮ 2017 |

اسلام آباد ( مانیٹرنگ ڈیسک) فضائی سواری آج کل جتنے رسک کا شکار ہے وہ سب ہی جانتے ہیں ۔ کبھی پی آئی اے کی خبر آجاتی ہے تو کبھی کسی اور ملک کے جہاز کی ۔ اب تازہ ترین میڈیا رپورٹس کے مطابق عمان سے دبئی جانیوالے ایمریٹس ایئرلائن کے جہاز سے اچانک سانپ نکل آیا جس کے بعد پائلٹ نے جہاز اڑانے سے ہی انکار کردیا اورپرواز کو منسوخ کرکے طیارے کو گراؤنڈ کردیاگیاجبکہ ایئرلائن انتظامیہ نے بھی کارگومیں سانپ کی موجودگی کی تصدیق کردی۔ایمریٹس ایئرلائن کے ترجمان کے مطابق مسقط سے دبئی جانیوالی پرواز ای کے 0863کے مسافروں کی بورڈنگ سے قبل کارگو میں ایک سانپ کی موجودگی کا انکشاف ہوا جس پر پرواز کو منسوخ کردیاگیا۔
ترجمان نے پریشانی اٹھانے پر مسافروں سے معذرت کرتے ہوئے کہاکہ انجینئرنگ اور صفائی کرنیوالی ٹیمیں مصروف ہیں اور کلیئرنس ملنے کے بعد طیارہ روانہ کردیاجائے گا۔نجی اخبار کے مطابق ایمریٹس واحد ایئرلائن نہیں جس سے سانپ نکل آیا بلکہ نومبر2016ء میں ایرومیکسیکو کے طیارے سے دوران پروازایک بڑا سبزسانپ سامان رکھنے والے حصے سے باہر نکل آیاتھالیکن کیبن کریو کی طرف سے فراہم کی جانیوالی ٹوکری استعمال کرتے ہوئے مسافروں نے سانپ کو دبوچ لیاتھاجبکہ لینڈنگ کے بعد متعلقہ اداروں نے سانپ کو اپنی تحویل میں لے لیاتھا۔

موضوعات:جہاز سانپ