دمشق(آئی این پی)شام میں شدت پسند تنظیم داعش نے روس کا جنگی ہیلی کاپٹر مار گرایا ۔غیر ملکی میڈیا کے مطابق داعش کے دہشت گردوں نے دعوی کیا ہے کہ انہوں نے شام میں روسی طیارہ مار گرایا ہے ۔بتا یا گیاہے کہ شام کے مشرقی علاقے ہومز میں واقع T4ائیر بیس کے قریب داعش نے روسی جنگی ہیلی کاپٹر کو مار گرایا ہے ۔داعش نے تصاویر جاری کی ہیں جس میں انہوں نے دعوی کیا کہ شام اور روسی فورسز کے زیر استعمال ائیر بیس کے قریب داعش کے دہشت گردوں نے کارروائی کر کے اینٹی ایئر کرافٹ گن سے ہیلی کاپٹر کو نشانہ بنا یا ۔واضح رہے کہ ایک ماہ قبل بھی داعش نے گائیڈڈ میزائل سے روسی ہیلی کاپٹر مار گرانے کادعوی کیا تھا ۔
جبکہ اس سے قبل ترکی کے دارالحکومت انقرہ میں قاتلانہ حملے میں ہلاک ہونے والے روسی سفیر کارلوف نے ترکی اور روس کے تعلقات کو سرد مہری کے دور میں سفارتی کوششوں اور انتہائی دانشمند فیصلوں کیساتھ بہتر بنایا ،وہ 2013سے انقرہ میں روسی سفیر کے فرائض ادا کر رہے تھے ، ان کی عمر 62 برس تھی جبکہ وہ شادی شدہ اور ایک بچے کے والد تھے۔روسی میڈیا کے مطابق ترکی کے دارالحکومت انقرہ میں قاتلانہ حملے مارے جانے والے روسی سفیرکارلوف2013 کے ماہ جولائی سے انقرہ میں روسی سفیر کے فرائض ادا کر رہے تھے ، ان کی عمر 62 برس تھی جبکہ یہ شادی شدہ اور ایک بچے کے والد تھے۔کارلوف کامیاب ترین سفارتکار تھے انھوں نے ترکی اور روس کے تعلقات کو سرد مہری کے دور میں سفارتی کوششوں اور انتہائی دانشمند فیصلوں کیساتھ ان تعلقات کو بہتر بنایا ہے ۔
روسی سفیر کو قتل کرنے والا حملہ آور انقرہ میں تعینات پولیس اہلکار میولود مرد آلتن تاش تھا۔واضح رہے کہ ترکی میں روس کے سفیر اندرے کارلو ف سوموار کی شام ایک تصویری نمائش کو دیکھتے وقت ایک حملہ آور کی فائرنگ سے جان بحق ہو گئے ، حملہ آور بعد میں پولیس کی گولی لگنے سے ہلاک ہو گیا ۔

موضوعات:جنگی ہیلی کاپٹر داعش