دمشق(مانیٹرنگ ڈیسک) شام میں جاری خانہ جنگی پرنظررکھنے والے ادارے مبصر گروپ برائے انسانی حقوق نے کہا ہے کہ مارچ 2011 میں شروع ہونے والی خانہ جنگی اب تک 3 لاکھ 12 ہزارسے زائد انسانوں کی جان لے چکی ہے۔
ایک نجی ٹی وی کے مطابق آبزرویٹری کی طرف سے بتایا گیا ہے کہ ان ہلاک ہونے والوں میں 90 ہزار سے زائد عام شہری تھے۔جرمن ذرائع ابلاغ کے مطابق لندن میں قائم اس تنظیم نے اپنی رپورٹ میں کہا ہے کہ پانچ سال سے زائد عرصے سے جاری اس جنگ کے دوران 16 ہزار سے زائد بچے ،53 ہزار باغی جبکہ 1 لاکھ 10ہزار شامی فورسز یا ان کے حامی جنگجو ہلاک ہوئے۔
