بیجنگ(مانیٹرنگ ڈیسک) چین نے بھارت کی نیوکلیئر سپلائرز گروپ میں شمولیت کی ایک بار پھر مخالفت کرتے ہوئے کہا ہے کہ ہمارے ان معاملات پر مؤقف میں کوئی تبدیلی نہیں آئی ہے

۔بیجنگ میں میڈیا بریفنگ کے دوران چین کی وزارت خارجہ کے ترجمان کا کہنا تھا جہاں تک بھارت کا نیوکلئیر سپلائیر گروپ میں شمولیت اور مولانا مسعود اظہر کا نام دہشت گردوں کی فہرست میں ڈالوانے کا تعلق ہے تو چین کا ان دنوں معاملات پر وہی پرانا موقف ہے جوپاکستا ن کاموقف ہے اور اس میں کوئی تبدیلی نہیں آئی۔ اس سے قبل بھی چین نیوکلیئر سپلائرز گروپ میں شمولیت کے حوالے سے بھارت کی مخالفت کرتے ہوئے اسے دوٹوک جواب دے چکا ہے۔