نئی دہلی(این این آئی)بھارت کی ریاست بہار کے سابق وزیر اعلیٰ اوروزیر ریلوے لالو پرساد یادیو نے ریلوے کو درپیش اقتصادی مسائل کے بارے میں خدشات کا اظہار کیا ہے اور کہا ہے کہ اب وقت آگیا ہے کہ اس کے بارے میں دوبارہ سوچا جائے۔بھارتی میڈیا کے مطابق جواب میں بی جے پی کے سیاست دان اور بہار کے موجودہ وزیر خزانہ سوشیل کمار مودی نے ٹویٹ کیا کہ آپ نے تو ریلویز میں سے ویسے دودھ نکالا جیسے گائے سے نکالا جاتا ہے، مگر مودی جی ریلویز کو آپ سے بہتر سمجھتے ہیں کیونکہ انھوں نے ریلویز پلیٹ فارمز پر دودھ والی چائے بیچی ہے!لالو پرساد نے نے جواب میں لکھاکہ یہ کیا عجیب منطق ہے! گائے سے دودھ نہ نکالا جائے تو جانتے ہیں کیا ہوتا ہے؟ گائے بیمار ہو جاتی ہے، اور اس وقت یہی ہو رہا ہے۔ سمجھے کہ نہیں۔واضح رہے کہ بھارت اس وقت بیک وقت کئی قسم کے مسائل کاسامنا ہے ۔

موضوعات:مودی