اسلام آباد (آئی این پی) چین کے صوبے ننگزیا سے شروع ہونے والی پاک چین فرینڈ شپ کار ریلی وفاقی دارلحکومت اسلام آباد وپہنچ گئی ،وفاقی وزیر اطلاعات و نشریات و قومی ورثہ سینیٹر پرویز رشید اور چینی سفیر سن وی ڈونگ نے ریلی کے شرکاء کاا ستقبال کیا،ریلی پاکستان کے بڑے شہروں سے گزرتی ہوئی گوادر سے گزرتی ہوئی ایران میں داخل ہو گی اور متحدہ عرب امارات میں جا کر اختتام پذیر ہو گی۔تفصیلات کے مطابق اتوار کو پاکستان اور چین کے مابین سفارتی تعلقات کے 65سال مکمل ہونے اور شاہراہ ریشم کی اہمیت کو اجاگر کرنے کیلئے چین کے صوبے ننگزیا سے شروع ہونے والی پاک چین فرینڈ شپ کار ریلی وفاقی دارلحکومت اسلام آباد وپہنچ گئی،پاک چین فرینڈشپ سینیٹر میں وفاقی وزیر اطلاعات و نشریات و قومی ورثہ سینیٹر پرویز رشید اور چینی سفیر سن وی ڈونگ نے ریلی کے شرکاء کاا ستقبال کیا،اس موقع پر شاندار تقریب کا بھی اہتمام کیا گیا ۔ کار ریلی میں20 کاریں اور52 افراد شامل ہیں جس کی قیادت چین کے ننگزیا کے نائب گورنر وانگ ہیشان نے کی ۔ اس سے قبل کارریلی درہ خنجراب سے جمعہ کو پاکستان میں داخل ہوئی تو اس کا مقامی انتظامیہ اور فوجی افسران نے زبردست خیرمقدم کیا ، کار ریلی کے شرکاء نے ایک خصوصی تقریب میں بھی شرکت کی جو ان کے اعزاز میں گلگت بلتسان کے علاقے سست میں منعقد کی گئی تھی ، اس موقع پر پاکستانی پرچم لہرایا گیا اور پاکستان کا قومی ترانہ بھی پیش کیا گیا ، ریلی پاکستان کے بڑے شہروں سے گزرتی ہوئی پاکستان کے جنوب مشرقی بندرگاہی شہر گوادر میں جا کر بلوچستان سے گزرتی ہوئی ایران میں داخل ہو گی اور متحدہ عرب امارات جا کر ختم ہو گی ۔